台灣八天遊(三)

2013.4.2  宜蘭

今日嘅目的地喺宜蘭，台灣朋友話呢檔嘅蔥油餅幾好食，大概等咗十分鐘就買到喇。

我哋喺礁溪溫泉附近行吓，無乜遊客，好清靜。湯圍溝溫泉公園就稍為多啲人，不過裏面都無乜好睇。

呢道啲蕃茄好似幾出名，仲有蕃茄雪糕賣添，食落真係好有蕃茄味。

台灣朋友話宜蘭有好多景點，不過分得好散，所以我哋只係隨便逛吓羅東林業文化園區，裏面有唔同嘅區域，主要同自然生態有關。

逛完羅東林業文化園區，我哋去幫襯「林場肉粳」，味道有啲似港式碗仔翅。

跟住我哋又去食人氣嘅麵線&臭豆腐。

甜品就係芋頭味嘅雪葩。

返到台北市中心先去試試「鴨血糕」，之後幫襯佢哋人氣第二位嘅牛肉麵，微辣嘅紅燒牛肉麵&清燉牛肉麵，味道都OK。